काठमाडौं- लगातार सर्किट लागेर ७८९ रुपैयाँ प्रतिकित्ता मूल्य पुगेर घटेको साहस ऊर्जाको सेयरमा फेरि लगानीकर्ता फर्किन थालेका छन्। 

साहस ऊर्जाको सेयर मूल्य ५२ हप्तामा ४०५.३० रुपैयाँ न्यूनतम मूल्य रहेको थियो। कम्पनीको सेयर मूल्य लगातार वृद्धि हुँदै ७८९.४० रुपैयाँ पुगेपछि पुनः घटेको थियो। घटेको कम्पनीको सेयर मूल्य पुनः लगातार बढेर ५४५ रुपैयाँ पुगेको छ। गत बुधबार कम्पनीको सेयर १६ हजार १७० कित्ता कारोबार भएको थियो। 

गत कात्तिक ११ गते धितोपत्र दोस्रो बजारमा सेयर सूचीकृत भएको थियो। गत असोज १७ गते सर्वसाधारणमा आईपीओ जारी गरेको थियो।

पहिलो कारोबार दिन प्रिओपनिङ सेसनमा कम्पनीको प्रतिकित्ता ४०५ दशमलव ३० मा सेयर कारोबार भएको थियो। कम्पनीको वित्तिय विवरण र लगानीमा सन्तुलन कायम देखेका लगानीकर्ताहरू साहसको सेयरमा आकर्षित भएका थिए।  

कम्पनीको दोस्रो बजारमा ३ करोड ५० करोड सेयर सूचीकृत रहेको छ।

कम्पनीको कुल सेयरको मूल्य अर्थात् कुल बजार पूँजीकरण १९ अर्ब ७५ लाख रुपैयाँ रहेको छ भने ३ अर्ब ५० करोड चुक्तापुँजी रहेको छ।

सोलुखुम्बु जिल्लामा ८६ मेगावाट क्षमताको सोलु खोला दुधकोशी जलविद्युत् आयोजना निर्माण गरिरहेको छ। यस आयोजनको लागत ११ अर्ब ८६ करोड १ लाख १३ हजार रहेको छ।