काठमाडौं- नेपाल इन्जिनियर्स एशोसिएसनले इन्जिनियर दिवसकाे अवसर पारेर ८ विधामा उत्कृष्ट इन्जिनियरहरूलाई सम्मान एवं पुरस्कृत गर्ने भएकाे छ।
आफ्नाे विधाबाट देशका लागि याेगदान गर्ने इन्जिनियरहरूकाे मूल्यांकनका लागि सम्मान तथा पुरस्कृत गर्न लागिएकाे एशोसिएसनका महासचिव रविभूषण झाले जानकारी दिए।
त्यसका लागि असार २५ गतेभित्र आफू वा आफूलाई उपयुक्त लागेकाे व्यक्तिकाे नाम सिफारिस गर्न एशोसिएसनले सार्वजनिक सूचना जारी गरेकाे छ। साउन ३ गते ६२ औँ इन्जिनियर दिवसकाे समाराेहमा पुरस्कार तथा सम्मानपत्र हस्तान्तरण गरिनेछ।
पुरस्कार र सम्मानका लागि परेका आवेदनहरूमध्येबाट पुरस्कार तथा सम्मानका लागि निर्णायक समितिले नाम छनाैट गर्ने छ।
