काठमाडौं-नेपाल स्टक एक्सचेञ्ज (नेप्से) ले बिहीवार पाँच कम्पनीको सेयरको मूल्य समायोजन गरेको छ। समायोजन हुनेमा चिलिमे हाइड्रोपावर कम्पनी लिमिटेड, इन्फिनिटी वित्तीय संस्था, मन्जुश्री फाइनान्स, एनआरएन इन्फ्रास्टक्चर, एण्ड डेभलपमेण्ट, र समिट लघुवित्त वित्तीय संस्थाको मूल्य समायोजन गरेको हो ।
चिलिमे हाइड्रोपावरको ७ दशमलव ५० प्रतिशत बोनस सेयरको समायोजनपछि सेियरमूल्य ४६७ दशमलव ८१ तोकेको छ। कम्पनीको अघिल्लो कारोबारको दिन अर्थात् बुधवार कायम अन्तिम सेयरमूल्य ५०२ दशमलव ९० को आधारमा सेयरमूल्य समायोजन भएको हो।
त्यस्तै, नेप्सेले इन्फिनिटी लघुवित्त वित्तीय संस्थाको २७ दशमलव ७० प्रतिशत बोनस सेयरको समायोजनपश्चात मूल्य १ हजार ३०७ दशमलव ७५ तोकेको छ।
नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो। बुधवार कम्पनीको सेयर प्रतिकित्ता १ हजार ६७० मा अन्तिम कारोबार भएको थियो।
त्यसैगरी, नेप्सेले मन्जुश्री फाइनान्सको ४० प्रतिशत बोनस सेयरको समायोजनपछि सेयरमूल्य ६७० दशमलव ७१ तोकेको छ। कम्पनीको अघिल्लो कारोबारको दिन अर्थात् बुधवार कायम अन्तिम सेयरमूल्य ९३९ को आधारमा सेयरमूल्य समायोजन भएको हो।
नेप्सेले एनआरएन इन्फ्रास्टक्चरको ५ प्रतिशत बोनस सेयरको समायोजनपछि सेयरमूल्य ५११ दशमलव ४३ तोकेको छ। कम्पनीको अघिल्लो कारोबारको दिन अर्थात् बुधवार कायम अन्तिम सेयरमूल्य ५३७ को आधारमा सेयरमूल्य समायोजन भएको हो।
त्यस्तै, नेप्सेले समीट लघुवित्त वित्तीय संस्थाको २५ दशमलव २८ प्रतिशत बोनस सेयरको समायोजनपश्चात मूल्य १ हजार १६५ दशमलव ३४ तोकेको छ।
नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो। बुधवार कम्पनीको सेयर प्रतिकित्ता १ हजार ४६० मा अन्तिम कारोबार भएको थियो।
