काठमाडौं- नेपाल विद्युत प्राधिकरणले सडकबत्तीको बक्यौता महसुल बुझाउन किस्ताबन्दीको सुविधा दिएको छ। लामो समयदेखि बक्यौता रहेको सडक बत्तीको शुल्क उठाउन प्राधिकरणले यस्तो सुविधा ल्याएको हो। 

सडक बत्ती बालेाबापत स्थानीय तहले लामो समयसम्म शुल्क नबुझाएपछि प्राधिकरणले यस्तो सुविधा ल्याएको हो।

प्राधिकरणका अनुसार विद्युतको बक्यौता महसुल ६० महिनासम्मको किस्ताबन्दीमा तिर्न पाउने सुविधा दिइएको छ। यसरी सुविधा दिनेबारे प्रधिकरणले सूचना जारी गरेको छ। 

किस्ताबनदीको सुविधा लिनका लागि सूचना जारी भएको ४५ दिनभित्र आवेदन दिन पनि प्राधिकरणले आग्रह गरेको छ।

सम्बन्धित वितरण केन्द्रमा सम्पर्क गरेर आवेदन दिएर किस्ताबन्दीको सुविधा लिन सकिने आइतरबार सार्वजनिक गरेको प्राधिकरणको सूचनामा उल्लेख छ।