काठमाडौं- राजस्व अनुसन्धान विभागले २८ करोड बढीको विगो र विगो बराबरको जरिबाना तथा सजाय माग दाबी गर्दै उच्च अदालत पाटनमा तीन मुद्दा दायर गरेको छ।
विभागले नक्कल भ्याट बिल प्रयोग गरी कर छली गरेको अभियोगमा युनिक इन्टरनेशनल प्रालीका सञ्चालकहरु विरुद्ध १६ करोड ४ लाख रुपैयाँ बिगो र सोही बराबरको जरिबाना माग गर्दै मुद्दा दायर गरेको छ।
त्यस्तै न्यू माया ट्रेड कर्न्सन विरुद्ध ३१ लाख बिगो र सोही बराबरको जरिबाना दाबी गर्दै उच्च अदालत पाटनमा मुद्दा दर्ता गराएको छ।
विभागले आजै बुद्ध ज्लेलरी वर्कशपका सञ्चालक बुद्धशंकर विश्वकर्माले नेपाल राष्ट्र बैंकको कार्यविधि अनुसरण नगरी अवैध रुपमा १२ करोड रुपैयाँको सुन आयात गरेको भन्दै सोही बराबरको बिगो कायम गर्दै जरिबाना र सजायाको दाबीसहित काठमाडौं जिल्ला अदालतमा मुद्दा दर्ता गराएको छ।
