काठमाडौं- नेपाल धितोपत्र बोर्डको अध्यक्ष नियुक्ति प्रक्रिया रद्द भएको अर्थ मन्त्रालयले जनाएको छ।
माओवादीनिकट अध्यक्षका प्रत्याशीहरु नवराज अधिकारी, चिरञ्जीवी चापागाईं र नेप्सका प्रमुख कार्यकारी अधिकृत कृष्णबहादुर कार्की अन्तर्वातामा नभएपछि अध्यक्ष नियुक्ति प्रक्रिया रद्द गरिएको हो।
पहिलोपटक अन्तर्वार्ता बहिष्कार गरेका उनीहरुलाई दोस्रोपटक अन्तर्वार्तामा उपस्थिति हुनका लागि सूचना प्रकाशित गरेपनि दोस्रो पटक पनि अन्तर्वार्ता वहिष्कार गरेपछि अध्यक्ष सिफारिस समितिले प्रक्रिया रद्द गरेको हो।
अध्यक्षका लागि ५ जना उम्मेद्वार छनौट भएपनि मुक्ति श्रेष्ठ र सन्तोष नारायण श्रेष्ठ मात्रै अन्तर्वार्तामा उपस्थित भइ प्रस्तुति दिएका थिए।सिफारिस समितिले बोर्डको अध्यक्षका लागि कम्तिमा ३ जनाको नाम सिफारिस गर्नुपर्ने व्यवस्था रहेको छ।
अन्तर्वार्ताका लागि दुई जनामात्रै उपस्थित भएपछि सिफारिस समितिले महान्यायाधिवक्ता कार्यालयसँग राय माग गरेको थियो। महान्यायाधिवक्ताको कार्यालयले कानूनविपरीत जान नमिल्ने राय दिएपछि सिफारिस समितिले प्रक्रिया रद्द गर्ने निर्णय गरेको हो।
