कञ्चनपुर- कञ्चनपुरमा चालु आर्थिक वर्षमा चार हजार चारसय जनाले सवारी चालक अनुमतिपत्र लिएका छन्।

यातायात व्यवस्था कार्यालयका अनुसार यहाँ मोटरसाइकल, स्कुटर, ट्याक्टर, जीप/कारलगायत सवारी साधनको चालक अनुमतिपत्र जारी गरेर ७४ लाख रूपैयाँ राजस्व संकलन भएको छ। 

उक्त कार्यालयबाट सबैभन्दा धेरै मोटरसाइकल र स्कुटर चालकको अनुमतिपत्र जारी भएको छ।

गत आर्थिक वर्षमा अनुमतिपत्र जारी गरेर ८७ लाख ५९ हजार रूपैयाँ राजस्व संकलन भएको थियो। रासस