काठमाडौं- बागमती प्रदेश सरकारले आगामी आर्थिक वर्षका लागि ६४ अर्ब ५४ करोडको बजेट ल्याएको छ।

बागमती प्रदेशका आर्थिक मामिला तथा योजना मन्त्री  जगनाथ थपलियाले सभामा आगामी आवको बजेट प्रस्तुत गरेका हुन्।

जसमा चालु खर्चतर्फ २६ अर्ब १० करोड र ३६ अर्ब ९३ करोड पुँजीगत खर्च रहेको छ। यसैगरी वित्तिय व्यवस्था तर्फ १ अर्ब ५० करोड छुटाइएको छ।  

स्रोत व्यवस्थापनतर्फ आन्तरिक तथा राजस्व तथा करबाट २७ अर्ब ३८ करोड र अन्य करबाट ६ अर्ब ५१ करोड रुपैयाँ रहने उनले उल्लेख गरेका छन्।

यसैगरी सञ्चिनकोषमा १४ अर्ब ८६ करोड रुपैयाँ  र संघीय सरकारबाट आउने १५ अर्ब ५७ करोड रहेने उनले जनाएका छन्।