काठमाडौं- बोइङ र एयरबसले निर्माण गरेका यात्रुबाहक जहाजको बोलबालाकै बीचमा रसियन कम्पनीले पनि यात्रुबाहक जहाज निर्माण गरेको छ।
रसियन कम्पनीले मध्यम दूरीका लागि उपयुक्त हुने न्यारोबडी जहाज निर्माण गरेको हो। पछिल्लो एक दशकदेखि निर्माण भइरहेको यस्तो जहाज अब अर्को वर्षदेखि नियमित उडानमा आउने भएको हो।
रसियन कम्पनी एरोफ्लोटको सहायक कम्पनी रसियाले निर्माण गरेको एमसी-२१ जहाज सन् २०२२ को सेप्टेम्बरमा एयरलाइन्सलाई डेलिभरी गरिने घोषणा भएको छ।
कम्पनीले सन् २०२२को सेप्टेम्बरदेखि अर्डर अनुसारको डेलिभरी गर्ने जानकारी गराएको छ।
यो जहाजमा रसियामै निर्माण भएको पीडी-१४ टर्बोफ्यान इन्जिन जडान हुने छ।
कम्पनीका अनुसार यो जहाजमा दुई भेरियन्टमा हुनेछन्। १३२ सिट क्षमता भएको एउटा र १६३ सिट भएको अर्को मोडल हुने छ। यो जहाजले एयरबसको ए३२० नियो र बोइङको ७३७ म्याक्ससँग प्रतिस्पर्धा गर्ने छ।
