मंगलबार, असार ३२ गते २०८१    
images
images
images

बीउमा आत्मनिर्भर हुँदै जाजरकोटको भेरी नगरपालिका

images
शनिबार, जेठ २६ २०८१
images
images
बीउमा आत्मनिर्भर हुँदै जाजरकोटको भेरी नगरपालिका

भेरी नपाले उन्नत जातको मकैको देउती ,मनकामना-३ जातको- भेरी नगरपालिका ७ रुपाकोट र मिथ्याङ्गामा २० हेक्टरमा लगाउँदै आएको छ।

images
images

सुर्खेत- जाजरकोटको भेरी नगरपालिकाले परीक्षणका रूपमा हाइब्रिड बीउ उत्पादन सुरु गरेको छ। यसअघि उक्त पालिकाले उन्नत जातको बीउ उत्पादन गरेर नगरपालिकालाई आत्मनिर्भर बनाएको थियो।

images
images
images

भेरी नगरपालिका-२ आरुखेतस्थित रामपुर हाइब्रिड १० जातको मकैको बीउ उत्पादन गर्न कृषि विकास कार्यालयसँग सहकार्यमा परीक्षण सुरु भएको कृषि शाखाका प्रमुख यज्ञ अधिकारीले जानकारी दिए।

images

अघिल्लो वर्ष रामपुर हाइब्रिड १२ जातको मकैको बीउ भेरी नगरपालिका-३ स्यालामा एक हेक्टरमा लगाएर सफल भएको प्रमुख अधिकारीले जानकारी दिए। उन्नतजातको बीउ उत्पादनको काम सफल भइ किसानहरुले आम्दानी लिन थालेपछि हाइब्रिड जातको बीउ उत्पादनमा लागेको उनले बताए।

images
images

भेरी नगरपालिकाको किसानहरुलाई तालिम तथा बीउ उत्पादन हुने देशका विभिन्न ठाउँमा अध्ययन भम्रणमा जाने गरिएको उनले जानकारी दिए। भेरी नगरपालिकाबाट उन्नत जातका विभिन्न तरकारी तथा अन्नबालीका बीउ उत्पादन भइ बजारीकरणको काम समेत भइरहेको उनले बताए। हाइब्रिड बीउ उत्पादन गर्न अन्य बीउ उत्पादनमाजस्तो सहज नभएको अधिकारीले बताए।

images
images

भेरी नगरपालिकाले उन्नत जातको मकैको देउती ,मनकामना-३ जातको- भेरी नगरपालिका ७ रुपाकोट र मिथ्याङ्गामा २० हेक्टरमा लगाउँदै आएको छ। त्यस्तै सावित्री जातको धान भेरी नगरपालिका ३ होलुज्यूलामा १० हेक्टरमा लगाउँदै आएको अधिकारीले बताए।

भेरी नगरपालिका १० सानिचोरमा ३ हेक्टर र भेरी नगरपालिका १ कालेगाउँ र स्यालामा गरि २ हेक्टरमा जमिनमा गहुँ,प्याज,रायो,मुला, केराउ र सिमी लगाएतका तरकारी बालीको उन्नत बिउँ भेरी नगरपालिका २ बाहुनथानामा सात रोपनी र तिलिङ्गेमा छ रोपनीमा उत्पादन भईरहेको उनले जानकारी दिए।

हाल रामपुर हाइब्रिड १० र १२ तथा सृजना टमाटरको बीउ कृषि विकास कार्यालय जाजरकोट र भेरी नगरपालिका जाजरकोटको समन्वयमा परीक्षण प्रदर्शनी भइरहेको उनले बताए। रासस


प्रकाशित : शनिबार, जेठ २६ २०८१११:५५

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend