काठमाडौं- सुनको मूल्य तोलामा १ हजार ७ सय रुपैयाँले वृद्धि भएको छ। लगातार उकालो लागेको सुनको मूल्यमा आज शुक्रबारको वृद्धिपछि कीर्तिमान कायम भएको छ।
नेपाल सुनचाँदी व्यवसायी महासंघका अनुसार छापावाला सुन बिहीबार प्रतितोला १ लाख ४० हजार ५ सय रुपैयाँमा कारोबार भएकोमा आज शुक्रबारका लागि १ लाख ४२ हजार २ सय रुपैयाँ निर्धारण भएको छ।
तेजाबी सुन बिहीबार १ लाख ३९ हजार ८ सयमा कारोबार भएकामा आजका लागि भने १ लाख ४१ हजार ५ सय रुपैयाँ निर्धारण भएको छ।
चाँदीको मूल्य भने तोलामा २५ रुपैयाँले ओरालो लागेको छ। बिहीबार प्रतितोला १ हजार ९ सय रुपैयाँमा कारोबार भएको चाँदी आज शुक्रबारका लागि १ हजार ८ सय ७५ रुपैयाँ निर्धारण भएको छ।
