काठमाडौं- सरकारले आगामी आर्थिक वर्ष २०८१/०८२ का लागि गएको मंगलबार ल्याएको बजेटसँगै आर्थिक विधेयकमार्फत केही वस्तुहरूमा करका दरसमेत हेरफेर गर्‍यो। हेरफेर गर्दा भ्याट छुट हुने सूचीमा पेट्रोलियम पदार्थबाट चल्ने सवारी पनि पर्‍यो।

त्यहीअनुसार अर्थ मन्त्रालयले आधिकारिक वेबसाइटमा विधेयक सार्वजनिक गरेको थियो। तर तीन दिनपछि मन्त्रालयले कुनै सूचना जारी नगरी विधेयकमा भएको गल्ती सच्याउँदै पेट्रोलियम गाडीमा भ्याट लाग्ने बनाएको छ। 

संसदमा दर्ता भएको विधेयकका साथै प्रतिनिधिसभाको आधिकारिक वेबपेजमा सार्वजनिक विधेयकमा भने अझै पनि भ्याट छुटकै व्यवस्था रहेको छ। 

अर्थ मन्त्रालयले बिहीबार नै विधेकयमा भएको गल्ती सच्याउनका लागि संसदमा २४ बुँदासहितको पत्र दर्ता गरेको थियो। प्रतिनिधिसभाका सभामुख देवराज घिमिरेले पनि पत्र दर्ता भएको पुष्टि गरेका थिए। उनले अर्थ मन्त्रालयबाट मानवीय कमजोरी भएको भन्दै पत्र दर्ताका लागि आएको र यस विषयमा सरोकारवालासँग छलफल गरेर बाधा अड्चन पुकाउन सहयोग गरिदिने बताएका थिए।

बुधबार बेलुका बिजनेस न्युजसँग कुरा गर्दै सभामुखले भनेका थिए 'केही मानवीय त्रुटि भयो भनेर अर्थ मन्त्रालयबाट निवेदन आएको छ। हामी अध्ययन तथा छलफलमा छौँ। करको दर परिवर्तन भएको भन्दा पनि अन्यको परिभाषा कसरी गर्ने भने विषय छ। एम्बुलेन्स, शववाहन र दमकल अन्यको परिभाषामा राख्न अनुरोध गर्नु भएको छ। यसलाई कानूनी प्रक्रिया तथा नजिर हेरेर समस्या समाधान हुन्छ।हामी अध्ययनकै क्रममा छौँ।'

योसँगै बिहिबार साँझ नै बसेको मन्त्रिपरिषदको बैठकमा यसबारेमा सामान्य छलफल भएको मुख्यसचिव बैकुण्ठ अर्यालले बताएका थिए। 

यस्तो छ पुरानो व्यवस्था

यस्तो छ सच्याइएको नयाँ