काठमाडौं- सार्वजनिक खरिद अनुगमन कार्यालयले समयमै काम नगर्ने विभिन्न निर्माण कम्पनीलाई कालोसूचीमा राखेको छ।
कार्यालयले शुक्रबार सूचना जारी गरेर १३ वटा ठेक्कामा समयमै काम नगर्ने विभिन्न निर्माण कम्पनीलाई कालोसूचीमा राखेको हो।
ठेक्का लगाउने सार्वजनिक निकायले गरेको सिफारिसका आधारमा विभिन्न प्रक्रिया पूरा गरेर कार्यालयले कालोसूचीमा राख्दै आएको छ।
कार्यालयले जेठ १७ गतेको निर्णयअनुसार सार्वजनिक खरिद ऐन २०६३ को दफा ६३ को उपदफा १ बजेजिम कालोसूचीमा राख्ने प्रयोजनका लागि सूचना जारी गरेको हो।
कार्यालयले जेभीसहितका १७ निर्माण कम्पनीलाई १ देखि ३ वर्षसम्मका लागि कालोसूचीमा राखेको हो। कालोसूची अवधिभर यी निर्माण कम्पनीले सरकारी ठेक्का प्रक्रियामा भाग लिन पाउने छैनन्।
