काठमाडौं- सरकारले आगामी आर्थिक वर्ष २०८१/८२ का लागि अर्थ विविध शीर्षकमा करिब ७६ अर्ब रुपैयाँ बराबर विनियोजन गरेको छ। अर्थ विविध शीर्षकको रकम धेरै देखिनुलाई आर्थिक अनुशासनका हिसाबले राम्रो ठानिँदैन।
कुनै पनि वार्षिक योजना तथा कार्यक्रममा नराखेर अबण्डा राखिएको बजेट रकम ७५ अर्ब ९५ करोड ३ लाख रुपैयाँ बराबर छ।
सरकारले आगामी आवका लागि १८ खर्ब ६० अर्ब ३० करोड बराबरको बजेट ल्याउँदा कुल विनियोजनको ४.८ प्रतिशत अर्थ विविध शीर्षकमा राखेको हो।
