काठमाडौं- सरकारले पेट्रोलियम पदार्थबाट चल्ने सवारीसाधनमा लाग्दै आएको सडक मर्मत दस्तुर बढाएको छ। आगामी आर्थिक वर्षका लागि मंगलबार संघीय संसदमा पेश गरेको बजेटमार्फत सडक मर्मत दस्तुर बढाएको हो।
१ हजार सीसीसम्मका पेट्रोल कारमा ८ प्रतिशत लाग्दै आएको सडक मर्मत दस्तुर २ प्रतिशतले बढाएर १० प्रतिशत बनाइएको छ।
त्यस्तैगरी १ हजार ५ सय सीसीसम्मका पेट्रोल कारमा पनि २ प्रतिशतले सडक मर्मत दस्तुर बढाएर १० प्रतिशत बनाइएको छ। साथै २ हजार सीसीसम्मका पेट्रोल कारको पनि सडक मर्मत दस्तुर ८ प्रतिशतबाट बढाएर १० प्रतिशत बनाइएको छ।
यसैगरी १५ सय सीसीसम्मका डिजेल कारमा पनि ८ प्रतिशत रहेको सडक मर्मत दस्तुर बढाएर १० प्रतिशत बनाइएको छ। साथै २ हजार सीसीसम्मका डिजेल कारमा पनि ८ प्रतिशत लाग्दै आएको सडक मर्मत दस्तुर १० प्रतिशत बनाइएको छ।
त्यस्तै २५ सय सीसीभन्दा बढी इन्जिन क्षमताका पेट्रोल कार र डिजेल कारमा यसअघि नै १० प्रतिशत रहेको सडक मर्मत दस्तुर यथावत राखिएको छ।
सरकारले पिकअपमा पनि सडक मर्मत दस्तुर बढाएको छ। सिंगल क्याव पिकअपमा ८ प्रतिशत रहेको सडक मर्मत दस्तुर ९ प्रतिशत र डबल क्याव पिकअपमा ८ प्रतिशत रहेको सडक मर्मत दस्तुरलाई १० प्रतिशत बनाइएको छ।
