काठमाडौं- बुधबार नेपाली बजारमा सुनको मूल्यमा सामान्य गिरावट आएको छ भने चाँदीको मूल्य बढेको छ।
मंगलबारको तुलनामा सुनको मूल्य बुधबार प्रतितोला एकसय रूपैयाँले घटेको हो।
बुधबारका लागि छापावाल सुनको मूल्य प्रतितोला एक लाख ४० हजार ५ सय रूपैयाँ निर्धारण गरिएको छ भने तेजाबी सुनको मूल्य प्रतितोला एक लाख ३९ हजार ८ सय रूपैयाँ कायम रहेको नेपाल सुनचाँदी व्यवसायी महासंघले जनाएको छ।
सोमबार तोलामा ९ सयले बढेर हालसम्मकै उच्च प्रतितोला एक लाख ४१ हजार ८ सय रूपैयाँ पुगेको सुनको मूल्य मंगलबार प्रतितोला १२ सय रूपैयाँले घटेर प्रतितोला एक ४० हजार ६ सय रूपैयाँमा कारोबार भएको थियो।
यो साता आइतबार पनि सुन कीर्तिमानी मूल्यमा पुगेको थियो। सो दिन सुनको मूल्य एक लाख ४० हजार ९ सय कायम थियो।
मंगलबार घटेको चाँदीको मूल्य भने बुधबार प्रतितोला १५ रूपैयाँले वृद्धि भएको छ। मंगलबार प्रतितोला एक हजार ८ सय ८५ रूपैयाँ मूल्य तोकिएको चाँदी बुधबार प्रतितोला एक हजार ९ सय रूपैयाँमा कारोबार भइरहेको छ।
