मंगलबार, फागुन ६ गते २०८१    
मंगलबार, फागुन ६ २०८१
images
images

खडेरीले चितवन निकुञ्जमा पानीका स्रोत सुक्दै, वन्यजन्तु समस्यामा

images
आइतबार, जेठ ६ २०८१
images
images
खडेरीले चितवन निकुञ्जमा पानीका स्रोत सुक्दै, वन्यजन्तु समस्यामा

निकुञ्ज र मध्यवर्ती क्षेत्रमा रहेका साना ठूला एक सय ३४ वटा तालतलैयामा पानीको सतह घट्दै गएपछि वन्यजन्तुलाई समस्या भएको हो।

images
images

चितवन- खडेरीका कारण चितवन राष्ट्रिय निकुञ्जमा पानीका स्रोत सुक्दै थालेपछि वन्यजन्तु समस्यामा परेका छन्। 

images
images
images

निकुञ्जका सूचना अधिकारी गणेशप्रसाद तिवारीले निकुञ्ज र मध्यवर्ती क्षेत्रमा रहेका साना ठूला एक सय ३४ वटा तालतलैयामा पानीको सतह घट्दै गएपछि वन्यजन्तुलाई समस्या भएको बताए। उनले प्राकृतिक र निकुञ्जले बनाएका कृत्रिम तालसहित सिमसार क्षेत्र, नदी, खोलामा गत वर्षको तुलनामा पानीको सतह घटेको पनि बताए।

images
images

निकुञ्जका प्रमुख संरक्षण अधिकृत दिलबहादुर पुर्जा पुनले लामो समयसम्म पानी नपरेकाले पानीको सतह घटेको बताए। चर्काे घामले वास्पिकरण भएर जाने तर पानी नपर्ने हुँदा तालतलैयाको पानीको सतह घटेको उनले बताए।

images
images
images

उनले भने, 'विगतका वर्षमा भन्दा यसवर्ष पानीको सतह घटेको अनुमान गरिएको छ। यस वर्ष हिउँदमा कम पानी परेकाले यस्तो समस्या आएपछि यहाँका वन्यजन्तु प्रत्यक्ष प्रभावमा परेका छन्।'

दुर्लभ वन्यजन्तु एकसिंगे गैँडा गर्मीयाममा तालतलैयामा आहाल खेल्न रुचाउँछ। अन्य वन्यजन्तुलाई पानी अत्यावश्यक हुन्छ तर यहाँका पुराना ताल र सिमसार क्षेत्रमा सोहीअनुसार व्यवस्थापनका काम हुने गरेका छैनन्।

कार्यालयले भने बजेट अभावका कारण तालतलैयाको माटो, गेग्रानलगायत पानीका मुहानमा सरसफाइ र व्यवस्थापनको काम गर्न समस्या भएको जनाएको छ।

'पानीका स्रोत व्यवस्थापनका लागि आर्थिक वर्ष २०७५/७६ मा एक करोड ४५ लाख रूपैयाँ बजेट विनियोजन भएको थियो। त्यसवर्ष ६० वटा ताल व्यवस्थापनको काम गरेका थियौँ। चालु आर्थिक वर्षसम्म आइपुग्दा सो बजेट घटेर २५ लाख रूपैयाँमात्र विनियोजन भएको छ, जसले गर्दा व्यवस्थापनका काममा कठिनाइ भएको हो', संरक्षण अधिकृत पुनले भने।

सो रकमले सातवटा तालतलैयामात्र व्यवस्थापन गरिएका छन्। पर्याप्त बजेट नहुँदा नयाँ पोखरी खन्ने र पुरानाको सरसफाइ र मर्मत गर्ने काम हुन नसकेकाले वन्यजन्तु मानव बस्तीमा प्रवेशगरी मानव-वन्यजन्तु द्वन्द्व बढ्ने जोखिम रहेको उनको भनाइ छ। रासस


प्रकाशित : आइतबार, जेठ ६ २०८११२:५७

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend