काठमाडौं- चालु आर्थिक वर्ष २०८०/०८१ को ९ महिनामा ३ सय ५२ मेगावाट थप विद्युत राष्ट्रिय प्रसारण लाइनमा जोडिएको छ।
नेपाल राष्ट्र बैंकले सार्वजनिक गरेको चालु आवको मौद्रिक नीतिको तेस्रो त्रैमासिक समीक्षामा ३ सय ५२ मेगावाट विद्युत उतपादन थप भएको र ५ सय मेगावाटभन्दा बढी जलविद्युत परियोजनाको निर्माण अन्तिम चरणमा रहेका जनाइएको छ।
यसबाट सुक्खायाममा ऊर्जा आपूर्ति सुधार भइ औद्योगिक क्षमता उपयोग र विस्तार हुने राष्ट्र बैंकको अनुमान छ। साथै वर्षायाममा थप विद्युत निर्यात भइ वार्षिक ऊर्जाघाटा कम गर्न सहयोग पुग्ने राष्ट्र बैंकले सार्वजनिक गरेको रिपोर्टमा उल्लेख छ।
