काठमाडौं- अर्थमन्त्री वर्षमान पुनले नीति तथा कार्यक्रमकै थिममै बजेट आउने बताएका छन्। 

नेपाल उद्योग  वाणिज्य  महासंघले आयोजना गरेको अन्तरक्रिया कार्यक्रममा बोल्दै नीति तथा कार्यक्रममा आएका सबै कार्यक्रमलाई बजेटले सम्बोधन गर्ने उनले बताए।

'विगतको जस्तो विवादित कुनै पनि हालतमा हुँदैन, हामीले नीति तथा कार्यक्रममै थिममा बजेट आउँछ र बजेटका आधारमा मौद्रिक नीति आउनुपर्छ' उनले भने। 

नीति तथा कार्यक्रम पनि अर्थ मन्त्रालयकै सहभागितामा बनेको र बजेटको फ्रेमअनुसार नै कार्यक्रम तय भएको उनले बताए। 

जसरी नीति तथा कार्यक्रम पछ्याएर बजेट आउँछ त्यसैगरी बजेटलाई पछ्याएर मौद्रिक नीति आउने उनको भनाइ छ। यसका लागि बजेट निर्माणका लागि राष्ट्र बैंकसँग अहिले नै सघन छलफल भइरहेको उनको भनाइ छ। 

कार्यक्रममा व्यवसायीहरूले बजेटमा सरकारले केही राम्रो गरे पनि तत्कालीन समस्या समाधानका लागि मौद्रिक नीति लचिलो हुनुपर्ने बताएका थिए।

निर्माण व्यवासयीको बाँकी रहेको भुक्तानीमा समस्या सर्दै आए पनि सरकारको दायित्व भएको उनले बताए। सरकारले अहिलेसम्म तथ्यांक संकलनको काम गरेको र अब भुक्तानी हुने उनले बताए। यो वर्ष पनि भुक्तानी दिएर नसकिए आगामी वर्षको बजेटमै व्यवस्था गर्ने उनले बताए। 

निर्माण व्यवसायीहरूले १ खर्ब भुक्तानी बाँकी रहेको बताउँदै आएका छन्।