काठमाडौं- नेपाली बजारमा एक दिनको गिरावटपछि सुनको मूल्य पुन: उकालो लागेको छ।

मंगलबार तोलामा सात सय रूपैयाँले घटेको सुनको मूल्य बुधबार एकैदिन एक हजार रूपैयाँले बढेको छ। 

बुधबारका लागि छापावाल सुनको मूल्य प्रतितोला एक लाख ३८ हजार चारसय रूपैयाँ कायम छ भने तेजाबी सुनको मूल्य प्रतितोला एक लाख ३७ हजार ७ सय ५० रूपैयाँ निर्धारण गरिएको नेपाल सुनचाँदी व्यवसायी महासंघले जनाएको छ। 

मंगलबार तोलामा २५ रूपैयाँले बढेको चाँदीको मूल्य बुधबार प्रतितोला पाँच रूपैयाँले वृद्धि भएको छ। 

महासंघका अनुसार चाँदी आज प्रतितोला एक हजार सात सय ४५ रूपैयाँमा कारोबार भइरहेको छ।

मंगलबार सुन प्रतितोला एक लाख ३७ हजार चारसय र चाँदी प्रतितोला १७ सय ४० रूपैयाँमा कारोबार भएको थियो।