काठमाडौं- जानकी फाइनान्स कम्पनीको सेयरमा पछिल्लो समय खरिद बिक्रीमा व्यापक उतारचढाव हुँदै आएको छ। जसको सेयर मूल्य एकवर्षको अवधीमा चार गुणाले बढेको छ।

मंगलबार पनि फानाइन्सको सेयर मूल्य ९.८१ प्रतिशतले बढेर ५७१ रुपैयाँमा बजार बन्द भएको थियो। जुनको मूल्य सोमबार भन्दा ५१ रुपैयाँले बढेको थियो। मंगलबार २१ हजार ४८४ कित्ता कारोबार भएको थियो। 

गत वर्ष २३.१६ प्रतिशत लाभांश दिएको फाइनान्सले यसवर्ष २५ देखि ३० प्रतिशत लाभांश दिने हल्ला चलाइएको छ। जसका कारण पनि फाइनान्सको सेयरमा व्यापक उतारचढाव हुने गरेको छ। फाइनान्सले चालु वर्षकाे पहिलाे तीन महिनामा ३ कराेड ३९ लाख रुपैयाँ नाफा कमाएको छ। भने प्रतिसेयर आम्दानी १८.६२ रुपैयाँ रहेको छ।

फाइनान्सले २०७०/७१ मा ७७ प्रतिशत लाभांश दिएको थियो। भने २०७१/७२ मा २५ प्रतिशत लाभांश सेयरधनीलाई दिएको थियो। गत वर्षको नाफाबाट यसवर्ष ३० प्रतिशत लाभांश घोषणा गरेमा जानकी फाइनान्सले पाँच वर्ष यताकै उच्च लाभांश हुने छ। सोही चर्चाका कारण पनि हरेक दिन जानकी फाइनान्सको सेयर मूल्यमा उतारचढाव भइरहेको छ। 

फाइनान्सको सेयर ५२ हप्ता अगाडि अधिकतम ८३६ रुपैयाँसम्म पुगेको थियो। भने न्यूनतम २१७ रुपैयाँमा कारोबार भएको थियो। धनुषा जिल्लामा केन्द्रिय कार्यालय रहेको फाइनान्सको चुक्ता पुँजी ६० करोड ४१ हजार रुपैयाँ रहेको छ। भने ३ अर्ब ४२ करोड ८३ लाख रुपैयाँ रहेको छ। 

कुन वर्ष कति लाभांश?