काठमाडौं- सरकारले अगामी आर्थिक वर्षभित्रै थप १५ हजार ५ हेक्टरमा व्यवस्थित सिँचाइ सुविधा पुर्‍याइने घोषणा गरेको छ।

आर्थिक वर्ष २०८१/८२ को नीति तथा कार्यक्रममार्फत सरकारले सिँचाइ पूर्वाधार प्रणाली व्यवस्थित गर्ने जनाएको छ।

राष्ट्रपति रामचन्द्र पौडेलले संसद्‍मा पेस गरेको नीति तथा कार्यक्रममा थप १५ हजार ५ हेक्टरमा व्यवस्थित सिँचाइ सुविधा पुर्‍याइने उल्लेख छ।

यस्तै तराई मधेशका ३ लाख १८ हजार हेक्टर क्षेत्रफलमा क्लस्टरमा आधारित स्यालो तथा डिप ट्युबवेलबाट सिँचाइ सुविधा पुर्‍याउने घोषणा सरकाले गरेको छ।

पहाडमा नदी बेसिनमा आधारित सिँचाइ गर्ने भन्दै स्थानीय तहलाई लिफ्ट तथा भूमिगत सिँचाइ योजनाका लागि विद्युतीय सुविधा दिने सरकारले घोषणा गरेको हो।