काठमाडौं- ग्रीन डेभलपमेन्ट बैंकमा लगानीकर्ताहरूको आर्कषण बढेसँगै मंंगलबार १० प्रतिशतले सेयर मूल्य बढेको छ।
गत वर्ष सेयर लगानीकर्तालाई निराश बनाएको बैंकले यसवर्ष भने आकर्षक लाभांश दिने चर्चा चलेसँगै सेयर मूल्य उचालिएको हो।
गत वर्ष ४ प्रतिशत मात्रै लाभांश दिएको बैंकले नाफामा उल्लेख्य वृद्धि गरेकोले पनि ८ देखि १० प्रतिशतसम्म लाभांश दिने चर्चा चलेको छ। सोहीकारण पनि बैंकको सेयरमा लगानीकर्ता झुम्मिएका छन्।
मंगलबार प्रतिकित्ता ३१ रुपैयाँले बढेर ३४१ रुपैयाँमा कारोबार भएको थियो। पछिल्लो ५२ हप्तामा अधिकतम ५३७.९ रुपैयाँमा कारोबार भएको थियो। न्यूनतम १२९ रुपैयाँमा कारोबार भएको थियो। बैंकको ४ हजार ८ सय ३४ कित्ता कारोबार भएको थियो।
बैंकको ५१ लाख ९० हजार कित्ता नेप्सेमा सूचीकृत रहेको छ। भने ५१ करोड ९० लाख चुक्ता पुँजी रहेको कम्पनीको बजार मूल्यांकन १ अर्ब ७६ करोड ९७ लाख ९० हजार रुपैयाँ रहेको छ।
