ललितपुर- ललितपुर महानगरपालिकाले भैँसेपाटीको एक मासु पसललाई सडक छेउमा रोपेको रुखको हाँगो काटेबापत पाँच हजार जरिबाना तिराएको छ।
महानगर प्रहरी गस्ति हिँडिरहेको अवस्थामा रुखको हाँगो काटेर बाख्रालाई खुवाएको देखेपछि जरिबाना तिराएको महानगर प्रहरी प्रमुख सिताराम हाछेथुले बताए।
'रुखको हाँगा काटेर जरिबाना तिराएको सायद नेपालमै पहिलो होला', उनले भने 'ललितपुर महानगरले वातावरण संरक्षणमा काम गरिरहेकोमा यस्तो अभ्यासले भोलि अरु ठाउमा पनि काट्न नदिन सचेत मात्र गराएका हौँ।'
महानगरले केही दिनअघिमात्र १५ सदस्यीय वातावरण नगर प्रहरी बल गठन गरेर महानगरको वातावरण संरक्षणमा काम गरिरहेको छ।
