काठमाडौं- बानेश्वरस्थित इन्द्रेणी कम्प्लेक्सको छैठौँ तलामा रहेको ‘फिटनेश एण्ड स्पा सेन्टर’मा सोमबार भएको लागलागीबाट झन्डै ३ करोड ५० लाख रूपैयाँ बराबरको क्षति भएको छ।
महानगरीय प्रहरी परिसर काठमाडौंका प्रहरी उपरीक्षक दिनेशराज मैनालीअनुसार इन्भर्टरबाट विद्युत सर्ट भएर आगलागी भएको प्रारम्भिक जानकारी आएको र आगो नियन्त्रणमा आइसकेको छ। आगलागीबाट मानवीय क्षति भएको छैन।
आगलागीबाट जीम सेन्टरको सामानहरू जल्दा करोडौँको क्षति भएको जीम सेन्टरको सञ्चालकलाई उद्धृत गर्दै प्रहरी वृत्त बानेश्वरका डिएसपी मिमबहादुर लामाले जानकारी दिएका छन्।
आगो निभाउन काठमाडौं, ललितपुर र भक्तपुरका पाँच दमकलको प्रयोग गरिएको प्रहरीले जनाएको छ।
