काठमाडौं- विशेष अदालतले पेमेन्ट गेटवे प्रकरणमा नेपाल टेलिकमका तत्कालीन प्रबन्ध निर्देशक सुनिल पौडेललाई कैद र जरिवानाको फैसला सुनाएको छ।

गत बैशाख ७ गते दोषी ठहरिएका सुनिललाई मंगलबार विशेष अदालतका अध्यक्ष टेकनारायण कुँवर र मुरारीबाबु श्रेष्ठको संयुक्त इजलासले ९ वर्ष कैद र २३ करोड २७ लाख ५८ हजार ७७ रूपैयाँ बिगो जरिवानाको असुलीको सजाय तोकेको हो।

अख्तियार दुरुपयोग अनुसन्धान आयोगले २०८० असोजमा नेसनल पेमेन्ट गेटवे स्थापनामा अनियमितता गरेको भन्दै बहालवाला सचिव मधु मरासिनीसहित ९ जनाविरुद्ध भ्रष्टाचार मुद्दा दायर गरेको थियो।

पौडेललाई दोषी ठहर गर्दै आरोप लागेका अन्य ८ जनालाई भने विशेष अदालतले सफाइ दिएको थियो।

उक्त प्रकरणका आरोपितहरू मधुकुमार मरासिनी, सञ्जय शर्मा, प्रणिता उपाध्याय, सुनिल पौडेल, रमेश पोखरेल, रामबहादुर बुढा, रामशरण गायक, सफल श्रेष्ठ र निमबहादुर वलीले सफाइ पाएका हुन्।