काठमाडौं- एनआईसी एसिया बैंकले केही समयअघि साउदी अरेबियामा सम्पन्न वाफ वुमन च्याम्पियनसिप २०२४ प्रतियोगितामा उत्कृष्ट प्रदर्शन गर्दै उपविजेता बन्न सफल भएको राष्ट्रिय महिला फुटबल टोलीलाई सम्मान गरेको छ।
२०८१ बैशाख २४ मा ललितपुरस्थित होटल हिमालयनमा विशेष कार्यक्रम आयोजना गरी बैंकले अन्तर्राष्ट्रियस्तरमा उत्कृष्ट प्रर्दशन गरेर राष्ट्रको गरिमा उच्च राख्न अतुलनीय योगदान गरेको भन्दै राष्ट्रिय महिला फुटबल टोलीलाई सम्मान गरेको हो।
बैंकले अखिल नेपाल फुटबल संघ (एन्फा) को सहकार्यमा आयोजित उक्त सम्मान कार्यक्रममा राष्ट्रिय महिला फुटबल टोलीका ३१ सदस्यहरुलाई जनही २५ हजार रूपैयाँ र सम्मानपत्रसहित सम्मान गरेको हो।
साथै, उक्त कार्यक्रमका बीच बैंकले राष्ट्रिय महिला फुटबल टोलीकी गोलकिपर अञ्जना राना मगरलाई ब्राण्ड प्रमोटरका रुपमा समेत घोषणा गरेको बैंकका प्रमुख सूचना अधिकारी अर्जुनराज खनियाले जानकारी दिए।