काठमाडौं- सीजी फुड्समा गएको शुक्रबार भएको आक्रमणको घटनाप्रति गम्भीर ध्यानाकर्षण भएको नेपाल उद्योग परिसंघले जनाएको छ। 

सीजी फुड्समा कार्यरत कर्मचारीमाथि हातपात एवं भौतिक सम्पत्ति तोडफोड गरिएको घटना निन्दनीय रहेको भन्दै परिसंघले देशकै प्रमुख औद्योगिक घराना चौधरी ग्रुपबाट सञ्चालित उद्योगमाथि भएको घटनामा संलग्न जो कोहीलाई कानूनी दायरामा ल्याउन माग गरेको छ। 

'हालको विषम परिस्थितीमा निरुत्साहित बनिरहेको निजी क्षेत्रको मनस्थितिलाई यस्ता घटनाले थप हतोत्साही बनाउने ठहर समेत परिसंघले गरेकाे छ। 

लगानीको वातावरण बिग्रने र समृद्ध अर्थतन्त्रको प्रयासमा गम्भीर असर पार्ने भएकाले यस्ता कार्यलाई निरुत्साहित गर्न कडा रुपमा प्रस्तुत हुन नेपाल सरकार, प्रशासन एवं सम्बन्धित सरोकारवालाहरूको गम्भीर ध्यानाकर्षण गराउन चाहन्छौँ' परिसंघले विज्ञप्तीमार्फत भनेको छ।