काठमाडौं- नेपाल आयल निगमले डिजेल र मट्टितेलको मूल्य घटाएको छ भने हवाई इन्धनको मूल्य बढाएको छ।
मंगलबार बसेको निगम सञ्चालक समितिको बैठकले डिजेल र मट्टितेलको मूल्य प्रतिलिटर २ रुपैयाँ घटाएको हो।
निगमले डिजेल/मट्टितेलको मूल्य पहिलो वर्गका लागि प्रतिलिटर १ सय ५६ रुपैयाँ ५० पैसा, दोस्रो वर्गका लागि १ सय ५८ रुपैयाँ र तेस्रो वर्गका लागि प्रतिलिटर १ सय ५९ रुपैयाँ तोकेको छ।
हवाई इन्धनमा भने मूल्य बढाएको छ। निगमकाअनुसार आन्तरिकतर्फ प्रतिलिटर एक रुपैयाँ र अन्तर्राष्ट्रियतर्फ प्रतिकिलोलिटर अमेरिकी डलर ७ (सात) ले वृद्धि गरेको छ।
नयाँ मूल्य सूची बुधबार बिहान १ बजेदेखि लाग हुने निगमले जनाएको छ। निगमकाअनुसार पेट्रोल र एलपी ग्यासको बिक्री मूल्य यथावत रहेको छ।
इनमडियन आयल कर्पोरेशनबाट मंगलबार पेट्रोल र डिजेलको मूल्यमा घटेर तथा हवाई इन्धनको मूल्य बढेर आएको थियो। सोहीअनुसार निगमले मूल्य समायोजन गरेको हो।