काठमाडौं- बिहीबार नेपाली बजारमा सुनचाँदीको मूल्यमा सामान्य गिरावट आएको छ।
बुधबार प्रतितोला पाँचसय रूपैयाँले उकालो लागेको सुनको मूल्य बिहीबार पुन: ओरालो लागेको हो।
बिहीबार प्रतितोला दुईसय रूपैयाँले घटेर छापावाल सुनको मूल्य प्रतितोला एक लाख ३५ हजार ८ सय रूपैयाँ कायम छ भने तेजाबी सुनको मूल्य प्रतितोला एक लाख ३५ हजार एक सय ५० रूपैयाँ तोकिएको छ।
यो साता आइतबार स्थिर रहेर सोमबार र मंगलबार दुई दिनको अवधिमा ३ हजार ८ सय रूपैयाँले सुनको मूल्य घटेको थियो।
बुधबारको तुलनामा चाँदीको मूल्य पनि बिहीबार प्रतितोला १५ रूपैयाँले घटेको नेपाल सुनचाँदी व्यवसायी महासंघले जनाएको छ। महासंघका अनुसार चाँदी आज प्रतितोला १६ सय ५५ रूपैयाँमा कारोबार भइरहेको छ।
