काठमाडौं- दुई दिनको गिरावटपछि नेपाली बजारमा सुनको मूल्य पुन: उकालो लागेको छ।

यो साता आइतबार स्थिर रहेर सोमबार र मंगलबार दुई दिनको अवधिमा ३ हजार ८ सय रूपैयाँले घटेको सुनको मूल्य बुधबार प्रतितोला पाँचसय रूपैयाँले बढेको नेपाल सुनचाँदी व्यवसायी महासंघले जनाएको छ।

महासंघका अनुसार बुधबार छापावाल सुनको मूल्य प्रतितोला एक लाख ३६ हजार रूपैयाँ पुगेको छ भने तेजाबी सुनको मूल्य प्रतितोला एक लाख ३५ हजार ५ सय ५० रूपैयाँ कायम छ।

चाँदी आज तोलामा १० रूपैयाँले बढेर प्रतितोला १६ सय ७० रूपैयाँमा कारोबार भइरहेको छ।