काठमाडौं- सुनको मूल्य सोमबार उच्च बिन्दुबाट ओरालो लागेको छ। आइतबार उच्च बिन्दुमै स्थिर रहेको सुनको मूल्य सोमबार एकैदिन प्रतितोला एक हजार एकसय रूपैयाँले घटेको नेपाल सुनचाँदी व्यवसायी महासंघले जनाएको छ। 

महासंघका अनुसार सोमबार छापावाल सुनको मूल्य प्रतितोला एक लाख ३८ हजार दुई सय रूपैयाँ तोकिएको छ भने तेजाबी सुन मूल्य प्रतितोला एक लाख ३७ हजार पाँचसय ५० रूपैयाँमा कारोबार भइरहेको छ।

आइतबार छापावाल सुनको मूल्य प्रतितोला एक लाख ३९ हजार तीनसय रूपैयाँ निर्धारित थियो भने तेजाबी सुनको मूल्य प्रतितोला एक लाख ३८ हजार ६ सय ५० तोकिएको थियो। सुन गत शुक्रबार पनि सोही मूल्यमा कारोबार भएको थियो।

आइतबार बढेको चाँदीको मूल्य पनि सोमबार घटेको छ। आइतबार तोलामा २० रूपैयाँले बढेर प्रतितोला एक हजार ७ सय ४० रूपैयाँमा कारोबार भएको चाँदी सोमबार तोलामा ३५ रूपैयाँले घटेर प्रतितोला १७ सय ५ रूपैयाँमा कारोबार भइरहेको छ।