काठमाडौं- तानसेन नगरपालिकाको बडीज्ञानटोलकी निकिता शाहीको समूह साउथ एसियन इकोनोमिष्ट स्टुडेन्ट समिटमा पहिलो स्थान हासिल गर्न सफल भएको छ ।
पाल्पाको त्रिभुवन बहुमुखी क्याम्पसमा बीबीएम ७ औँ सेमेस्टरमा अध्ययनरत शाहीको टिमले तीन हजार अमेरिकी डलर पुरस्कारसमेत जितेको हो ।
समिटमा दक्षिण एसियाका भारत, बङ्गलादेश, अफगानिस्तान, पाकिस्तान र श्रीलङ्काका विद्यार्थीको सहभागीता थियो ।
शाहीले आठ महिना लामो टेक्सटाइल इन्ड्रस्टिजको अनुसन्धान गरेर समिटमा पेस गरेको अनुसन्धानले पुरस्कार जित्न सफल भएको त्रिभुवन बहुमुखी क्याम्पसका सहायक क्याम्पस प्रमुख कृष्ण कार्कीले बताए।
आठवटा टिमका बीच प्रतिस्पर्धा भएको थियो । हरेक टिममा प्रत्येक देशका एक विद्यार्थीको सहभागिता थियो । कोरोना सङ्क्रमणले गर्दा भर्चुअल माध्यम समिट गरिएको हो । रासस
