काठमाडौं- चालु आर्थिक वर्षको तेस्रो त्रैमासमा प्राइम कमर्सियल बैंकले २ अर्ब ८७ करोड रुपैयाँ खुद नाफा गरेको छ। गत वर्षको यसै अवधिमा बैंकले २ अर्ब ४७ करोड रुपैयाँ खुद नाफा गरेको थियो।
यस अवधिमा बैंकको सञ्चालन नाफा ४ अर्ब ११ करोड रुपैयाँ गरेको छ। गत वर्षको तुलनामा बैंकको खुद सञ्चालन नाफा १६.८५ प्रतिशतले बढेको छ। गत वर्षको यसै अवधिमा बैंकको सञ्चालन नाफा ३ अर्ब ५२ करोड रुपैयाँ रहेको थियो।
चालु आर्थिक वर्षको तेस्रो त्रैमाससम्ममा बैंकको खुद ब्याज आम्दानी सामान्यरुपमा बढेको छ। यस अवधिमा गएको वर्ष बैंकले खुद ब्याज आम्दानी ५ अर्ब ७८ करोड रुपैयाँ गरेकोमा चालु आर्थिक वर्षको सोही अवधिमा ५ अर्ब ४७ करोड रुपैयाँ गरेको छ।
यस अवधिमा बैंकको इम्पियरमेन्ट चार्ज सामान्यरुपमा घटेको छ। चालु आर्थिक वर्षको तेस्रो त्रैमासमा बैंकको इम्पियरमेन्ट चार्ज ८९ करोड ५० लाख रहेको छ। गत वर्षको यसै अवधिमा बैंकको यस्तो खर्च करिब १ अर्ब रुपैयाँ रहेको थियो।
चालु आर्थिक वर्षको तेस्रो त्रैमासमा बैंकको खराब कर्जा ४.२९ प्रतिशत पुगेको छ। गत वर्षको यसै अवधिमा बैंकको खराब कर्जा ३.०६ प्रतिशत रहेको थियो।
चालु आर्थिक वर्षको तेस्रो त्रैमासमा बैंकले उठेको ब्याजबापत ९३ करोड २० लाख रुपैयाँ नियामकीय जगेडामा राखेको छ। गत वर्षको यसै अवधिमा बैंकले १ अर्ब ३६ करोड रुपैयाँ जगेडा राखेको थियो।
ब्याज रकम नउठेकाले बैंकको वितरणयोग्य नाफा ३१ करोड ३३ लाख रुपैयाँ रहेको छ। नियामकीय जगेडा घटेकाले बैंकको वितरणयोग्य नाफा गत वर्षको तुलनामा सामान्यरुपमा बढेको छ।
चालु आर्थिक वर्षको तेस्रो त्रैमासमा आइपुग्दा यस बैंकको कर्जा निक्षेप अनुपातमा दबाब बढ्न थालेको छ। यस अवधिमा बैंकको कर्जा निक्षेप अनुपात ८५.१० प्रतिशत रहेको छ।
चालु आर्थिक वर्षको तेस्रो त्रैमाससम्म आइपुग्दा बैंकको आधारदर ९.२७ प्रतिशत कायम भएको छ।
