.jpg)
.gif)
.gif)
काठमाडौं- युनाइटेड अरब इमिरेट्स (यूएई) मा आएको बाढीमा परी एक जना नेपाली श्रमिकको मृत्यु भएको छ।
आबुधाबीस्थित नेपाली दूतावासका अनुसार भरतपुरका मोहन पुनको बाढीमा परी मृत्यु भएको हो।
.gif)
यूएईको शारजाहबाट अजमान जाने बाटो रहेको पुल नजिक उनी बाढीमा परेको दूतावासले जनाएको छ। उनी सोही स्थानमा रहेका बेला क्याफे रेष्टुरेन्टमा काम गर्ने गरेको जानकारीमा आएको दूतावासले जनाएको छ।
.gif)
.jpg)
यूएईमा दुई दिनदेखि परेको वर्षाका कारण बाढी आइरहेको छ। बाढीका कारण यूएईका सरकारी कार्यालय बन्द रहेको दूतावासले जानकारी दिएको छ। सरकारी कार्यालय बन्द भएका कारण मृतकको विषयमा थप जानकारी लिन नसकिएको दूतावासले जनाएको छ। दूतावासका अनुसार पुन भिजिट भिसामा यूएई पुगेका थिए।
