काठमाडौं- २५ वर्षपछि पहिलो पटक प्रोग्रेशिभ फाइनान्सले सेयर लगानीकर्ताका लागि लाभांश घोषणा गरेको छ। फाइनान्स गत वर्ष स्थापना भएको २५ वर्षपछि नाफामा गएको थियो।

नाफामा गएसँगै फाइनान्सले गतवर्षको नाफबाट ७.३६ प्रतिशत लाभांश घोषणा गरेको हो। फाइनान्सको पुस १ गते बसेको सञ्चालक समितिको बैठकले ७ प्रतिशत सेयर र ०.३६ प्रतिशत नगद गरी ७.३६ प्रतिशत लाभांश दिने प्रस्ताव गरेको हो।

नाफामा गएसँगै फाइनन्सले सेयर मूल्य पनि बढेको थियो। पछिल्लो ५२ हप्तामा अधिकता ५७४ रुपैयाँ सेयर मूल्य रहेको फाइनन्सको न्युनतम भने ११६ रुपैयाँ रहेको थियो।

बिहीबार फाइनन्सको मूल्य ३४६ रुपैयाँमा कारोबार भएको थियो। फाइनान्सले सन् १९९७ देखि कारोबार सुरु गरेको थियो।