काठमाडौं- नक्कली सुन दिएर रकम ठगी गर्ने एक जनालाई प्रहरीले पक्राउ गरेको छ।

नक्कली सुन दिएर ६० हजार रूपैयाँ ठगी गरेको अभियोगमा भारत सिलिगुडी बस्ने ५४ वर्षीय शेर बहादुर गिरीलाई इलाका प्रहरी कार्यालय अनारमनीबाट खटिएको प्रहरीले सोमबार दिउँसो पक्राउ गरेको हो।

विर्तामोड नगरपालिका-५ शनिश्चरे रोडस्थित बुद्धशन्ति गाउँपालिका-२ बस्ने ४५ वर्षीया महिलालाई गिरीले आफूसँग काँचो सुन छ, ६० हजारमा दिन्छु भनी महिलाको साथबाट उक्त नगद लिइ नक्कली सुनको टिल दिएर ठगी गरेको प्रहरीले जनाएको छ।

यस सम्बन्धमा आवश्यक अनुसन्धान भइरहेको प्रहरीले जनाएको छ।