काठमाडौं- कृषि विकास बैंकले सेयरधनीहरूका लागि अहिले बम्पर बोनस घोषणा गरेको छ। बैंक सञ्चालक समितिको पुस १ गते बसेको बैठकले गत आवको वितरणयोग्य मुनाफाबाट सेयरधनीलाई २० प्रतिशत बोनस सेयर र कर प्रयोजनका लागि १.०५ प्रतिशत नगद गरी कुल २१.०५ प्रतिशत लाभांश दिने प्रस्ताव गरेको हो।
यो चार वर्षयताकै उच्च लाभांश प्रस्ताव गरेको हो। नेपाल सरकारको हाल कायम भएको फिर्ता नहुने अग्राधिकार सेयरमा ६ प्रतिशत नगद लाभांश वितरण गर्ने पनि घोषणा गरेको छ।
बैंकको उत्कृष्ट वित्तीय विवरणका कारण लामो समयदेखि बैंकको सेयरमा लगानीकर्ताको सर्वाधिक आकर्षण देखिँदै आएको छ। प्रायः बुलमा खासै नचम्किने कृषि विकास बैंक तुलनात्मक रुपमा अन्य वाणिज्य बैंकहरू भन्दा राम्रो पोजिसनमा छ।
बजारमा तीव्र उतारचढाव हुँदा पनि बैंकको सेयरमा भने खासै उतारचढाव छैन। यस अवधिमा बैंकको सेयर मूल्य सर्वाधिक ६२० रुपैयाँसम्म पुगेको थियो। विगत ६ महिनाको अवधिमा मात्रै बैंकको ४ अर्ब ९९ करोड रुपैयाँको खरिद बिक्री भएको देखिन्छ। तर सग्रमा हेर्ने हो भने सर्वाधिक कारोबार हुने ५०औँ नम्बरमा रहेको छ।
बैंकले आर्थिक वर्ष २०७६\७७ मा १५ प्रतिशत बोनस सेयर दिएको थियो। तर गत आर्थिक वर्ष २०७७\७८ को नाफाबाटबाट लाभांश घोषणा गरेको छैन। बैंकको वितरण योग्य नाफा भने जम्मा १ अर्ब रुपैयाँ मात्रै छ।
कुन वर्ष कति लाभांश ?
