काठमाडौं- लगातार उकालो लाग्दै रेकर्ड बनाइरहेको सुनको मूल्य यो साता आइतबार घटेको छ। 

२०८० को अन्तिम कारोबारमा गएको शुक्रबार हालसम्मकै उच्च प्रतितोला एक लाख ३९ हजार रूपैयाँ पुगेको सुनको मूल्य २०८१ को पहिलो कारोबारमा एकैदिन दुई हजार दुईसय रूपैयाँले घटेको नेपाल सुनचाँदी व्यवसायी महासंघले जनाएको छ। 

महासंघका अनुसार आइतबार छापावाल सुनको मूल्य प्रतितोला एक लाख ३६ हजार ८ सय रूपैयाँ कायम छ भने तेजाबी सुनको मूल्य प्रतितोला एक लाख ३६ हजार एकसय ५० रूपैयाँ तोकिएको छ। 

चाँदीको मूल्य पनि आज प्रतितोला ५० रूपैयाँले घटेर प्रतितोला एक हजार ७ सय रूपैयाँमा कारोबार भइरहेको छ।