काठमाडौं- यो साता लगातार उकालो लाग्दै रेकर्ड बनाइरहेको सुनको मूल्य बिहीबार भने घटेको छ। 

आइतबार, सोमबार, मंगलबार र बुधबार चारै कारोबारमा कीर्तिमानी मूल्यमा पुगेको सुन बिहीबार भने ओरालो लागेको हो।

बिहीबार प्रतितोला दुईसय रूपैयाँले घटेर छापावाल सुनको मूल्य प्रतितोला एक लाख ३६ हजार ६ सय रूपैयाँ कायम छ भने तेजाबी सुनको मूल्य प्रतितोला एक लाख ३५ हजार ९ सय ५० रूपैयाँ निर्धारण गरिएको छ। 

आइतबार एकैदिन प्रतितोला दुई हजार ९ सय रूपैयाँले बढेर कीर्तिमानी मूल्यमा पुगेको सुनको मूल्य सोमबार पनि प्रतितोला ६ सय रूपैयाँले बढेको थियो। मंगलबार नेपाली बजारमा प्रतितोला एकसय रूपैयाँले बढेको सुनको मूल्य बुधबार प्रतितोला पाँचसय रूपैयाँले बढ्दा हालसम्मकै उच्च प्रतितोला एक लाख ३६ हजार ८ सय रूपैयाँमा कारोबार भएको थियो।

लगातार बढेर मंगलबार स्थिर बुधबार पुन: तोलामा १५ रूपैयाँले बढेको चाँदीको मूल्य भने आज स्थिर छ। 

बिहीबारका लागि प्रतितोला एक हजार ७ सय रूपैयाँ मूल्य तोकिएको चाँदी बुधबार पनि सोही मूल्यमा कारोबार भएको थियो।