काठमाडौं- भारतको नम्बर वान टायल कम्पनीको रूपमा प्रख्यात कजरिया टायल्सले काठमाडौंमा आफ्नो पहिलो 'एक्सपिरियन्स सेन्टर' को भव्य उद्घाटन गर्दै नेपाली बजारमा प्रवेश गरेको छ।

यस शोरुमले आवासीय र व्यावसायिक स्थानहरूका लागि डिजाइन, रङ र टायलहरूको विविधता प्रदान गर्दै ग्राहकहरूलाई रमाइलो अनुभव प्रदान गर्ने कम्पनीले जनाएको छ। कम्पनीका अनुसार एउटै छानामुनि ग्राहकहरूले आठ सिरिज र २० भन्दा बढी लाइभ मोकअप बाथरूमको अवलोकन गर्नसक्ने व्यवस्था गरिएको छ।

कम्पनीले उद्योगमा नयाँ बेन्चमार्कका साथै सटिक, स्थायित्व र सुन्दर ठूला टायल स्ल्याबहरू उत्पादन गर्छ। यसबाहेक, कजरिया टायल्सले आफ्नो उत्पादन प्रक्रियाहरूमा पर्यावरणमैत्री अभ्यासहरूलाई प्राथमिकता दिएको कम्पनीले जनाएको छ।

यसैबीच, कजरिया रमेश टायल्स लिमिटेड, एक संयुक्त उद्यम कम्पनीले नेपालमा उच्च गुणस्तरको टायल्स र सिरेमिक उत्पादनहरू उपलब्ध गराउने प्रतिबद्धता गरेको छ। निर्माण तीव्र गतिमा अघि बढ्दै गर्दा, कम्पनीले नवलपरासीमा रहेको आफ्नो कारखाना जुन २०२४ को अन्त्यसम्ममा पूर्ण रूपमा सञ्चालन गर्दैछ।

यो रणनीतिक कदमले कजरिया रमेश टायल्सले नेपालको टायल र सिरेमिक उद्योगलाई आकार दिन, देशको उन्नति र समृद्धिमा योगदान पुर्‍याउन महत्त्वपूर्ण भूमिका खेल्ने कम्पनीको विश्वास छ।

आधुनिक उपकरणहरू प्रयोग गरेर र अन्तर्राष्ट्रिय मापदण्डहरू पालना गर्दै, कजरिया रमेश टायल्सले प्रिमियम टायलिङ समाधान खोज्ने ग्राहकहरूलाई सहज अनुभव सुनिश्चित गर्दै नेपाली बजारमा गुणस्तरीय र किफायतीताको नयाँ मापदण्ड स्थापना गर्ने लक्ष्य राखेको छ।