काठमाडौं- उचारचढावबीच मंगलबार सामान्य घटेको सुनको मूल्य बुधबार पुन: उच्च बिन्दुमा पुगेको छ। यो साता सोमबार रेकर्ड बिन्दुमा पुगेको सुनको मूल्य एक दिनको गिरावटपछि बुधबार पुन: कीर्तिमानी बिन्दुमा पुगेको हो।

बुधबार प्रतितोला १८ सय रूपैयाँले बढेर छापावाल सुनको मूल्य प्रतितोला एक लाख ३३ हजार रूपैयाँ पुगेको छ भने तेजाबी सुनको मूल्य प्रतितोला एक लाख ३२ हजार ३ सय ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ। 

यो साता आइतबार स्थिर रहेर सोमबार उच्च बिन्दुमा पुगेको सुनको मूल्य मंगलबार प्रतितोला चारसय रूपैयाँले घटेको थियो। सोमबार सुन हालसम्मकै उच्च प्रतितोला एक लाख ३१ हजार छ सय रूपैयाँमा कारोबार भएको थियो।

चाँदीको मूल्य पनि आज बढेको छ। सोमबार र मंगलबार प्रतितोला १०-१० रूपैयाँले बढेको चाँदीको मूल्य बुधबार प्रतितोला ६५ रूपैयाँले बढेर हालसम्मकै उच्च बिन्दुमा पुगेको छ।

चाँदी आज प्रतितोला एक हजार ६ सय १० रूपैयाँमा कारोबार भइरहेको छ।