काठमाडौं- नेपाली बजारमा यो साता आइतबार स्थिर रहेर सोमबार उच्च बिन्दुमा पुगेको सुनको मूल्य मंगलबार घटेको छ। मंगलबार सुन प्रतितोला चारसय रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार मंगलबार छापावाल सुनको मूल्य प्रतितोला एक लाख ३१ हजार दुईसय रूपैयाँ तोकिएको छ भने तेजाबी सुनको मूल्य प्रतितोला एक लाख ३० हजार पाँचसय ५० रूपैयाँ कायम छ।
चाँदीको मूल्य भने आज पनि बढेको छ। आइतबार स्थिर रहेर सोमबार प्रतितोला १० रूपैयाँले बढेको चाँदी मंगलबार पनि प्रतितोला १० रूपैयाँले महँगिएको हो। चाँदी आज प्रतितोला एक हजार पाँचसय ४५ रूपैयाँमा कारोबार भइरहेको छ।
