काठमाडौं- आकर्षक तलबमा वैदेशिक रोजगारीमा पठाइदिन्छु भन्दै ठगी गर्ने दुईजना पक्राउ परेका छन्।

काठमाडौं बस्ने सिन्धुपाल्चोकका ३६ वर्षीय मिङमार लामा र ललितपुर बस्ने लमजुङका प्रकाश वंशी ठकुरी पक्राउ परेका हुन्।

मिङमारले क्रोएसिया पठाइदिन्छु भन्दै एक जना पीडितबाट ३ लाख रूपैयाँ ठगी गरेको र प्रकाशले पोर्चुगल पठाइदिन्छु भन्दै ३ जना पीडितबाट ११ लाख २७ हजार रूपैयाँ ठगी गरेको प्रहरीले जनाएको छ।

उनीहरूलाई थप अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ।