काठमाडौं- बिहीबार नेपाली बजारमा सुनको मूल्य प्रतितोला ११ सय रूपैयाँले बढेर कीर्तिमानी बिन्दुमा पुगेको छ।
बिहीबार छापावाल सुनको मूल्य प्रतितोला एक लाख २७ हजार ९ सय रूपैयाँ पुगेको छ भने तेजाबी सुनको मूल्य प्रतितोला एक लाख २७ हजार ३ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।
बुधबार सुन प्रतितोला एक लाख २६ हजार ८ सय रूपैयाँमा कारोबार भएको थियो।
यसअघि अघिल्लो साता चैत ८ मा सुन हालसम्मकै उच्च बिन्दुमा पुगेको थियो। सो दिन सुन प्रतितोला एक लाख २७ हजार ८ सय रूपैयाँमा कारोबार भएको थियो।
बुधबार सामान्य घटेको चाँदीको मूल्य पनि बिहीबार बढेको छ। महासंघका अनुसार चाँदी आज तोलामा २० रूपैयाँले बढेर प्रतितोला एक हजार ५ सय १० रूपैयाँमा कारोबार भइरहेको छ।
