काठमाडौं- समयमामा नै काम सम्पन्न नगरी आयोजना नै अलपत्र पार्ने २३ निर्माण कम्पनीलाई सार्वजनिक खरिद अनुगमन कार्यालयले कालोसूचीमा राखेको छ।

कार्यालयले अधिकतम ३ वर्षदेखि न्यूनतम १ वर्षसम्मका लागि कालोसूचीमा राखेको छ। ठेक्का लगाउने विभिन्न निकायबाट आएको सिफारिसका आधारमा सार्वजनिक खरिद अनुगमन कार्यालयले चैत १३ गतेको निर्णयअनुसार उल्लेखित निर्माण कम्पनीलाई कालोसूचीमा राखिएको हो।  

कार्यालयले सार्वजनिक खरिद ऐन २०६३ को दफा ६३ को उपदफा १ बमोजिम कालोसूचीमा राखि सूचना प्रकाशित गरेको छ।