काठमाडौं- यो साता सोमबार पनि सुनको मूल्यमा गिरावट आएको छ। आइतबार तोलामा चारसय रूपैयाँले घटेको सुनको मूल्य सोमबार प्रतितोला पाँचसय रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार सोमबारका लागि छापावाल सुनको मूल्य प्रतितोला एक लाख २४ हजार पाँचसय रूपैयाँ तोकिएको छ भने तेजाबी सुनको मूल्य प्रतितोला एक लाख २३ हजार ९ सय रूपैयाँ कायम छ।
चाँदीको मूल्य पनि सोमबार घटेको छ। आइतबार तोलामा १५ रूपैयाँले बढेको चाँदी आज तोलामा १० रूपैयाँले घटेर प्रतितोला एक हजार पाँचसय २० रूपैयाँमा कारोबार भइरहेको छ।
