काठमाडौं- वैदेशिक रोजगार विभागका अनुसार वैदेशिक रोजगारीका लागि श्रम स्वीकृति लिएर विदेश जाने युवाको संख्या दैनिक १ हजार ९ सय २२ जना रहेको छ।

विभागले नेपाल राष्ट्र बैंकलाई उपलब्ध गराएको तथ्यांकअनुसार चालु आवको ७ महिनामा वैदेशिक रोजगारीमा जानका लागि अन्तिम श्रम स्वीकृति लिने युवाको संख्या ४ लाख ५ हजार ५ सय ५२ रहेको छ।

जसमा नयाँ कामको लागि जाने युवाको संख्या २ लाख ४७ हजार १२ र बिदामा नेपाल आएर पुन: रोजगारीका लागि जाने युवाको संख्या १ लाख ५८ हजार ५ सय ४० जना रहेका छन्। 

चालु आवको ७ महिनामा रोजगारीका लागि जाने युवाको संख्या गत आव २०७९/०८० को सोही अवधिका भन्दा कम हो।

गत आवको सोही अवधिमा वैदेशिक रोजगारीका लागि जाने युवाको संख्या ४ लाख ८२ हजार ४ सय ७५ रहेको थियो। जसमा नयाँ कामका लागि जानेको संख्या ३ लाख १४ हजार ७ सय ६७ र बिदामा आइ पुन: जानेको संख्या १ लाख ६७ हजार ७ सय ८ रहेको थियो। 

गत आवको ७ महिनाको तुलनामा चालु आवको सोही अवधिमा वैदेशिक रोजगारीका लागि जाने युवाको संख्या ७६ हजार ९ सय २३ जनाले कम हो।