काठमाडौं- आइतबार सुनको मूल्य प्रतितोला एक हजार र चाँदीको मूल्य प्रतितोला पाँच रूपैयाँले बढेको छ।
आइतबारका लागि छापावाल सुनको मूल्य प्रतितोला एक लाख २६ हजार रूपैयाँ तोकिएको छ भने तेजाबी सुनको मूल्य प्रतितोला एक लाख २५ हजार चारसय रूपैयाँ कायम छ, जुन हालसम्मकै उच्च हो।
अघिल्लो साता मंगलबारयता सुनको मूल्य लगातार कीर्तिमानी बिन्दुमा पुगेको थियो। बिहीबार उच्च मूल्य प्रतितोला एक लाख २५ हजार रूपैयाँमा कारोबार भएको थियो। शुक्रबार भने स्थिर रहेको सुनको मूल्य आज पुन: बढेको हो।
चाँदी आज प्रतितोला एक हजार चारसय ७५ रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
