काठमाडौं- एमजी (मोरिस ग्यारेज)को नयाँ एसयूभी हेक्टर नेपाली बजारमा सार्वजनिक भएको छ। एमजीको आधिकारिक बिक्रेता पारामाउन्ट मोटर्स बिहीबार उक्त एसयूभी सार्वजनिक गरेको हो। 

१.५ लिटर टर्बोचार्ज्ड इन्टरकुल इन्जिनयुक्त हेक्टर साइन एमटी र सिभिटी दुई भेरियन्टमा उपलब्ध छ। हेक्टर एमटीको मूल्य ५९ लाख ९९ हजार र हेक्टर सिभिटीको मूल्य ६४ लाख ९९ हजार रुपैयाँ तोकिएको छ।  

एसयूभी क्याटेगरीमै पहिलो पटक बोल्ड फ्रन्ट क्रोम ग्रिल, प्रोजेक्टर हेडल्याम्प, र स्टाइलिस आर १७ सिल्भर एलोइज, इलेक्ट्रिक सनरुफ, पुश बटन स्टार्ट, इलेक्ट्रिक पार्किङ ब्रेक, २६.४ सेमीको एचडी टचस्क्रिन सिस्टम र अन्य धेरै प्रमुख विशेषताहरू छन् जसले हेक्टरलाई बेन्चमार्कको रुपमा खडा गरेको छ।

एसयूभीका अन्य भेरियन्टसँग तुलना गर्दा यो नेपाली सडक र ट्राफिकलाई उपयुक्त हुने दाबी गरिएको छ। भारतमा बनेको यो एसयूभी नेपालस्थित सम्पूर्ण डिलरसिपमा उपलब्ध छ। यो हेक्टरको नयाँ मिड-स्पेक भेरियन्ट हो जुन बजारमा उपलब्ध मिड साइज एसयूभीहरुको लो-स्पेक र टप-स्पेक ट्रिमहरूबीचमा छ।

एमजी हेक्टरको आकर्षक डिजाइन, आधुनिक र स्मार्ट सुविधाहरूले ग्राहकहरूको अपेक्षालाई सम्बोधन गर्ने विश्वास गरिएको छ। यसको नयाँ गेम-चेन्जर मोडलले एसयूभी लेगेसीलाई सुदृढ पार्दै लेटेस्ट एसयूभी हाँक्ने ग्राहकहरुको चाहना पनि पुरा गर्नेछ।

कार्यक्रममा जोन्टा क्लब अफ काठमाडौं र पारामाउन्ट मोटर्स प्रालिबीच सहकार्य पनि भएको थियो। आफ्नो कर्पोरेट सामाजिक उत्तरदायित्वको एउटा हिस्सा अन्तर्गत पारामाउन्टले जोन्टा क्लब अफ काठमाडौंलाई १० लाख रुपैयाँ आर्थिक सहयोग प्रदान गरेको छ।